គំរូ Windows 9
អ្នកស្រី Julie Larson-Green អនុប្រធានផ្នែកប្រតិបត្តិទទួលបន្ទុកលើ Device និង Studios របស់ Microsoft បាននិយាយនៅក្នុងអំឡុងសន្និសីទ UBS Global Technology Summit ថា Microsoft ឆាប់ៗខាងមុខនឹងធ្វើកំណែប្រែផ្លាស់ទម្រង់ថ្មីកាន់តែស្រស់ស្អាតលើ Windows 9។
សព្វថ្ងៃ ក្រុមហ៊ុនមាន OS ចំនួន ៣ version ខុសគ្នារួមមាន Windows 8.1 ដែលត្រូវបានឌីហ្សាញសម្រាប់ប្រើនៅលើ desktop កុំព្យូទ័រ និង laptop គាំទ្រ x86 និង x64 processor ហើយ Windows RT 8.1 សម្រាប់គាំទ្រ ARM device ប៉ុណ្ណោះមានដូចជា Tablet របស់ខ្លួនផ្ទាល់គឺ Surface RT។ ចំណែក version ទីបីសម្រាប់បំពាក់ប្រើនៅលើ Smartphone គឺ Windows Phone 8។
ដូចប្រិយមិត្តបានដឹងរួចមកហើយ ប្រព័ន្ធប្រតិបត្តិការរបស់ Microsoft Windows 8.1 ស្ទើរតែពុំមាន UI ខុសប្លែកគ្នានឹង Windows 8 នោះឡើយ។ បើតាមរបាយការណ៍ថ្មីចុងក្រោយនេះឱ្យដឹងថា Microsoft នឹងធ្វើកំណែប្រែមិនត្រឹមតែនៅលើ app store ប៉ុណ្ណោះទេ តែថែមទាំង Operating System ទាំងមូលទៀតផង។ Windows ជំនាន់ថ្មីនេះត្រូវរំពឹងថា នឹងចេញក្នុងឆ្នាំ ២០១៤ ឬដើមឆ្នាំ ២០១៥។
តាមសំដីអ្នកស្រី JLG បានអះអាងនៅក្នុងកម្មវិធីសំណួរចម្លើយមួយថា Microsoft នឹងពិតជារក្សាទុកប្រព័ន្ធប្រតិបត្តិការតែ ២ប៉ុណ្ណោះនៅលើទីផ្សារអនាគត តែនាងបដិសេធមិនផ្ដល់ព័ត៌មានលំអិតយ៉ាងណានៅឡើយ។ Windows មួយដែលនឹងបាត់ខ្លួនអាចជាប្រភេទ Windows RT ឬគ្រាន់តែនឹងបានច្របាច់បញ្ចូលទៅជា phone platform។ ខាងក្រោមនេះ គឺជារូបគំរូ UI របស់ Windows 9៖
ចំពោះគំរូ UI របស់ Windows 9 ខាងលើ តើអ្នកទាំងអស់គ្នាយល់យ៉ាងម៉េចដែរ?
អត្ថបទ៖ កោសល្យ
ប្រភព & រូបភាព៖ softpedia, softpedia
